ᐃᓄᓕᕆᔨᒃᑯᓐᓄᑦ

Help us improve
this website.

ᑎᒍᐊᙳᐊᕐᓂᖅ
ᑐᑭᓯᒋᐊᕈᑎᒃᓴᖅ ᑎᒍᐊᙳᐊᖅᑎᓄᑦ ᐊᒻᒪ ᓄᓇᓕᖕᒧᓪᓗ


ᑐᙵᓱᒋᑦ! ᑖᓐᓇ ᐃᑭᐊᕐᕿᔾᔪᑦ ᑐᑭᓯᒋᐊᕈᑎᒃᓴᓂᒃ ᐊᑐᒐᒃᓴᓂᒡᓗ ᐊᑐᐃᓐᓇᐅᑎᑦᓯᔪᖅ ᑎᒍᐊᙳᐊᖅᑎᓄᑦ ᐊᒻᒪ ᓄᓇᓕᖕᒥᐅᓄᓪᓗ ᑎᒍᐊᙳᐊᕐᓂᐅᑉ ᐊᖓᔪᕐᖄᖑᓂᐅᓪᓗ ᒥᒃᓵᓄᑦ.

ᑎᒍᐊᙳᐊᖅᑎᑦ ᓄᓇᓕᖕᒥᐅᑕᐅᔪᑦ ᐊᖏᕐᕋᒥᖕᓂᒃ ᒪᑐᐃᖅᑎᑦᓯᕙᒃᑐᑦ ᓱᕈᓯᕐᓄᑦ ᓴᐳᒻᒥᔭᐅᔭᕆᐊᖃᖅᑐᓄᑦ ᐅᓗᕆᐊᓇᖅᑐᕐᒦᓐᓇᖏᑦᓯᐊᖅᑐᕐᒥᒃ ᐊᖏᒃᕋᖃᖅᑎᒍᒪᓪᓗᒋᑦ. ᓱᕈᓰᑦ ᑎᒍᐊᙳᐊᖅᑎᓃᑉᐸᒃᑐᑦ ᐊᖏᕐᕋᖏᑦ ᐅᓗᕆᐊᓇᖅᑐᒦᓐᓇᖏᓕᖅᓯᐊᕆᓪᓗᒋᑦ ᐅᕝᕙᓘᓐᓃᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ ᓇᓂᓯᒍᓐᓇᖅᓯᒍᑎᒃ ᑎᒍᐊᖅᑎᒃᓴᖏᓐᓂᒃ.

ᑎᒍᐊᙳᐊᖅᑎᑦ ᐃᓚᒋᔭᐅᓂᖏᑦ ᐱᒻᒪᕆᐅᖃᑕᐅᔪᑦ ᓱᕈᓯᕐᓂᒃ ᐱᕚᓪᓕᖅᑎᑦᓯᒐᓱᒃᑕᐅᑎᓪᓗᒋᑦ ᓯᓚᑐᓯᕙᓪᓕᐊᓂᖏᓐᓂᒃ, ᑲᒪᒋᔭᖃᑦᓯᐊᓕᕈᓐᓇᕐᓂᖏᓐᓂᒃ, ᐊᒻᒪ ᐊᔪᙱᓂᖃᑦᓯᐊᓕᖅᐸᓪᓕᐊᓂᖏᓐᓂᒡᓗ ᐃᒻᒪᓐᓇ ᐊᑐᐃᓐᓇᐅᑎᑦᓯᓂᕐᒥᒃ ᐅᓗᕆᐊᓇᙱᑦᓯᐊᖅᑐᕐᓂᒃ, ᑐᑭᓯᒐᓱᖕᓂᖃᑦᓯᐊᖅᑐᕐᓂᒃ ᐊᒻᒪ ᐃᑲᔪᖅᑐᐃᓂᖃᑦᓯᐊᖅᑐᕐᓂᒡᓗ ᐊᖏᕐᕋᖏᓐᓂᒃ.

ᐊᖓᔪᕐᖄᖑᓂᕐᒧᑦ ᑐᑭᓯᒋᐊᕈᑎᒃ ᒪᒃᐱᒐᑦ ᐊᑐᐃᓐᓇᐅᑎᑦᓯᔪᖅ ᐊᔾᔨᒌᙱᑦᑐᕐᓂᒃ ᐊᑐᒐᒃᓴᓂᒃ ᐃᓕᖕᓂᒃ ᐃᑲᔪᕈᑕᐅᔪᖕᓇᖅᑐᕐᓂᒃ ᐊᖓᔪᕐᖄᖑᓂᖅᐱᑦ ᒥᒃᓵᓄᑦ. ᐃᓚᖃᖅᑐᖅ PDF-ᓂᒃ ᐊᑐᒐᒃᓴᓂᒃ, ᐊᑑᑎᖃᑦᓯᐊᖅᑐᕐᓂᒃ ᐃᑭᐊᕐᕿᔾᔪᑎᒃᑲᓐᓂᕐᓄᑦ ᑐᕌᕈᑎᓂᒃ ᐊᒻᒪ ᐅᖃᓕᒫᒐᑦᓴᑦᓯᐊᖑᓇᓱᒋᔭᐅᔪᑦ ᐊᒃᑐᓄᑦ ᓱᕈᓯᕐᓄᓪᓗ ᑐᕌᖓᔪᑦ ᐊᑐᐃᓐᓇᐅᔪᑦ ᓄᓇᓕᒋᔭᕐᓂᑦ. ᐅᖃᓕᒫᕈᑎᒋᔭᐅᔪᖕᓇᖅᑐᑦ ᐃᓚᖃᖅᑐᑦ ᐊᔾᔨᒌᙱᑦᑐᑦ ᓱᕈᓯᕐᓅᓕᖓᒧᑦ ᒪᒃᑯᒃᑐᕐᓅᓕᖓᔪᓪᓗ ᑲᒪᒋᔭᒃᓴᑦ, ᐊᖓᔪᕐᖄᖑᓂᕐᒧᑦ ᐃᑲᔪᕈᑎᑦ, ᐊᒻᒪ ᐊᑐᒐᒃᓴᑦ ᖁᕕᐊᓇᖅᑐᑦ ᓱᕈᓯᑎᓪᓗ ᐱᙳᐊᕈᑎᒋᔪᖕᓇᖅᑕᓯ.


**A special thank you to Meeka Arnakaq, from Pangnirtung, for allowing the Department to use her drawings throughout the Foster Care website. **



Disclaimer

ᑖᓐᓇ ᐃᑭᐊᕐᕿᔾᔪᑎ ᐊᑐᐃᓐᓇᓕᐊᖑᓯᒪᔪᖅ ᐊᑐᒐᒃᓴᑐᐃᓐᓇᐅᓪᓗᓂ ᑎᒍᐊᙳᐊᖅᑎᓄᑦ, ᑲᒪᑦᓯᐊᖅᑎᓄᑦ ᐊᒻᒪ ᓄᓇᓕᖕᒥᐅᓄᑦ. ᐅᖃᐅᔾᔪᐃᔾᔪᑎᒃᓴᓕᐊᖑᓯᒪᙱᑦᑐᖅ ᐊᑐᐊᓯᐊᕐᒧᑦ ᑐᕌᖓᔪᓂᒃ. ᐊᐱᕐᖁᑎᒃᓴᖃᕈᕕᑦ ᐃᓱᒫᓗᒍᑎᖃᕈᕕᓪᓘᓐᓃᑦ ᓇᖕᒥᓂᖅ ᐊᑐᖅᑕᕐᓂᒃ ᖃᐅᔨᒋᐊᕐᕕᒋᓗᒍ ᓄᓇᓕᒋᔭᕐᓂᑦ ᐃᓄᓕᕆᔨ. ᐅᓗᕆᐊᓇᖅᑐᕐᒦᑦᓱᒋᒍᕕᑦ ᐋᓐᓂᖅᑐᒃᓴᐅᒍᕕᓪᓘᓐᓃᑦ, ᐅᕝᕙᓘᓐᓃᑦ ᐊᓯᑎᑦ ᐅᓗᕆᐊᓇᖅᑐᕐᒦᑦᓱᒋᒍᖕᓂ, ᑐᓴᖅᑎᑲᐅᑎᒋᓗᒋᑦ ᐸᓖᓯᒃᑯᑦ ᐅᕝᕙᓘᓐᓃᑦ ᓄᓇᓕᒋᔭᕐᓂᑦ ᐋᓐᓂᐊᕐᕕᒃ.

ᖃᐅᔨᒪᔭᖃᕈᕕᑦ ᓱᕈᓯᕐᒥᒃ ᓴᐳᒻᒥᔭᐅᔭᕆᐊᖃᖅᑐᕐᒥᒃ, ᑲᒪᒋᔭᒃᓴᖃᖅᑐᑎᑦ ᐅᖃᐅᓯᕆᒋᐊᖃᕐᓗᒍ ᐸᓖᓯᒃᑯᓐᓄᑦ. ᐅᖃᕐᕕᒋᓗᒋᑦ ᓄᓇᓕᒋᔭᕐᓂᑦ ᐸᓖᓯᒃᑯᑦ, ᐃᓄᓕᕆᔨᒃᑯᑦ ᑎᑎᕋᕐᕕᖓᑦ, ᐅᕝᕙᓘᓐᓃᑦ ᐅᖃᐅᑎᒍ ᐃᓕᓐᓂᐊᖅᑎᑦᓯᔨ, ᓇᔭᙳᐊᖅ ᐅᕝᕙᓘᓐᓃᑦ ᐃᓄᓕᕆᔨ.
ᓱᕈᓯᐅᒍᕕᑦ ᐱᓂᕐᓗᒃᑕᐅᓂᖃᕈᕕᑦ ᐅᕝᕙᓘᓐᓃᑦ ᑲᒪᑦᓯᐊᖅᑕᐅᙱᒃᑯᕕᑦ, ᐅᖃᐅᓯᕆᑦᑕᐃᓕᙱᓗᒍ. ᐅᖃᐅᑎᓗᒍ ᐃᓕᓐᓂᐊᖅᑎᑦᓯᔨ, ᐃᓚᒋᔭᑦ, ᓇᔭᙳᐊᖅ, ᐅᓄᓕᕆᔨ ᐅᕝᕙᓘᓐᓃᑦ ᑭᓇᑐᐃᓐᓇᖅ ᐊᒃᑐ ᐅᒃᐱᕆᑦᓯᐊᖅᑕᑦ.
ᑐᐊᕕᕐᓇᖅᑐᖃᖅᑎᓪᓗᒍ, ᐅᖄᓚᕕᒋᓗᒍ ᓄᓇᓕᒋᔭᕐᓂᑦ ᐸᓖᓯᒃᑯᑦ ᑎᑎᕋᕐᕕᖓᑦ. ᓱᕈᓯᖅᑕᖃᕐᓂᕈᓂ ᐊᖏᕐᕋᒥᑦ, ᐸᓖᓯᒃᑯᑦ ᑐᓴᖅᑎᑦᓯᓛᖅᑐᑦ ᐃᓄᓕᕆᔨᒥᒃ. ᓄᓇᓕᒋᔭᕐᓂᑦ ᕿᒫᕕᖕᒧᐊᕈᖕᓇᕐᒥᔪᑎᑦ, ᐱᑕᖃᕐᓂᕈᓂ.
ᓄᓇᕗᑦ ᒫᓐᓇ ᐃᓚᒌᑦ ᐱᑦᑎᐊᖃᑦᑕᐅᑎᔭᐅᙱᑦᑐᑦ ᕿᒫᕕᖕᓂᒃ ᐱᑕᖃᖅᑐᖅ ᒪᑯᓂᖓ ᓄᓇᓕᖕᓂᑦ: ᐃᖃᓗᒃᑑᑦᑎᐊᖅ; ᐃᖃᓗᐃᑦ; ᖁᕐᓗᖅᑐᖅ; ᐊᒻᒪ ᑲᖏᖅᖠᓂ. ᑖᒃᑯᓄᖓ ᕿᒫᕕᖕᓄᑦ ᐃᑎᖅᑎᑕᐅᓂᕐᒧᑦ ᑎᓕᐅᕆᓯᔪᖕᓇᖅᑐᖅ ᓄᓇᓕᒋᔭᕐᓂᑦ ᐃᓄᓕᕆᔨᒥᒃ, ᐸᓖᓯᒃᑯᑦ, ᐅᕝᕙᓘᓐᓃᑦ ᓇᖕᒥᓂᖅ ᐅᕐᓂᒡᓗᒍ ᕿᒫᕝᕕᒃ.


**ᖁᔭᓐᓇᒦᒃ ᐸᖅᑭᔨᑦ (ᐊᖓᔪᖅᑳᙳᐊᕆᔭᑦ) ᐃᑭᐊᖅᑭᕕᖓᓐᓄᐊᕋᕕᑦ. ᑐᑭᓯᐅᒪᔪᒍᑦ ᐃᓱᒪᒋᓪᓗᑎᒍᓪᓗ ᑕᒪᒃᑯᐊ ᑐᑭᓯᒋᐊᒐᒃᓴᑦ ᓴᖅᑭᑕᐅᖃᑦᑕᕆᐊᖃᕐᓂᖏᓐᓂᒃ ᑐᑭᓯᓇᑦᑎᐊᕐᓗᑎᒃ ᑎᓴᒪᓄᑦ ᐅᖃᐅᓯᖅᑕᓄᑦ - ᐃᓄᒃᑐᑦ, ᖃᓪᓗᓈᑐᑦ, ᐃᓄᐃᓐᓇᖅᑐᓐ ᐊᒻᒪ ᐅᐃᐅᐃᑐᑦ. ᑕᐃᒪᐃᒃᑲᓗᐊᖅᑎᓪᓗᒍ, ᑖᓐᓇ ᐃᑭᐊᖅᑭᕕᒃ ᐱᕙᓪᓕᐊᑎᓪᓗᑎᒍᑦ ᖃᔅᓰᖅᓱᑲᓪᓚᒡᓗᓂ ᓱᓕ ᓄᑖᓂᒃ ᓴᖅᑭᑕᐅᕙᓪᓕᐊᔪᓂᒃ ᐃᑭᐊᖅᑭᕕᒃᑯᑦ ᑎᑎᕋᖅᓯᒪᔪᑦ ᐊᑐᐃᓐᓇᐅᔪᓪᓘᓐᓃᑦ ᑕᒪᐃᓐᓄᑦ ᐅᖃᐅᓯᖅᑎᒍᑦ ᒪᓂᒻᒪᒃᑕᐅᔪᓐᓇᖃᑦᑕᔾᔮᙱᒻᒪᑕ ᐃᕐᖐᓐᓇᖅ. ᖃᐅᔨᒪᖁᔭᐅᕗᓯ ᑐᑭᓕᐅᖅᑕᐅᕙᓪᓕᐊᖃᑦᑕᕐᓂᖏᓐᓂᒃ ᐊᓯᖏᑎᒍᑦ ᐅᖃᐅᓯᖅᑎᒍᑦ ᐃᑭᐊᖅᑭᕕᖕᒧᐊᖅᑕᐅᕙᒃᖢᑎᒡᓗ ᒪᓂᒻᒪᒃᑕᐅᑐᐊᕌᖓᑕ.
ᖁᔭᓐᓇᒦᒃ ᕿᓄᐃᓵᕈᓐᓇᕋᔅᓯ.